அழகியசிங்கர்
ஏதோ ஒரு சுழற்சி
நடந்துகொண்டே இருக்கிறது
நாம்
ஆரம்பித்த இடத்தில்
வந்து கொண்டிருப்பதாக தோன்றுகிறது
நமக்குப் பதில்
நம் புத்திரர்கள் தொடர்கிறார்கள்
அவர்களும்
நம்மைப் போல் வியர்வைச் சிந்துகிறார்கள்
சம்பாதிக்க எங்கோ
ஓட்டமாக ஓடுகிறாரகள்
ஒரே குரலில் சத்தம் போடுகிறார்கள்
மகிழ்ச்சியை நம்மைப்போல் அனுபவிக்கிறார்கள்
நமக்கு ஏற்பட்ட துன்பமும் துயரமும்
அவர்களிடமும் தொடர்கின்றன
எதைப் பற்றியும் கவலைப்படாமல்
எஞ்சிய வருடங்களை நகர்த்திக்கொண்டிருக்கிறோம்
நாம் எதையோ எதிர்பார்த்துக்
காத்துக்கொண்டிருக்கிறோம்
சுழற்சி
திரும்பவும்…. (19.04.2013)