Category: கவிதை

பிரதீபன் கவிதை

திருவோடு ஏந்தி
தெருவழியே போனால்
சோறுதான் விழும்;
வேட்டி விழலாம்;
ஒதுங்கிக் கொள்ள
திண்ணையில் இடமும் தருவார்கள்;
நீ கேட்பதுபோல்
ஒருபோதும் மலர் விழுவதில்லை

நன்றி : கண்மறை துணி – கவிதைகள் – பிரதீபன் – வெளியீட்டாளர் : பிரதீபன், 25கே, ஜோதிநகர் 4வது தெரு, காமராஜ் மீட்டிங் ஹால் எதிரில், கோவில்பட்டி – 628 501 – விலை : ரூ.125 – பக்கங்கள் : 240

இலக்கிய அனுபவம்

தி.சோ. வேணுகோபாலன்

சொல்வ திரண்டு வகை;
சிந்தித்துச் சொல்லல்;
சிந்தை இலையாதல்;
கரகம் அல்லது
கண்கட்டு :
இரண்டுக்கும்
பொருள்
சொன்னவன் புலவன்!
கண்டவன் கவிஞன்!
முழிப்வன்
நீயும் நானும் கேவலம்
வாசகக் கும்பல்!

கோடை வயல் புத்தகத்திலிருந்து எடுத்தது.

 

அடகுக் கடை

 

பத்மஜா நாராயணன்

 

எல்லா அடகுக் கடையுள்ளும்

எப்போதும் ஒரு பெண்

எதையாவது அடகுவைக்க

காத்திருக்கிறாள்.

அது அவள்

புன்னகையாக நிச்சயம் இருக்காது

விற்றுவிட்ட ஒன்றை

அவள் எப்படி திருப்பிவைக்க இயலும்?

சிலநேரம்

அதிகாலையில் அடகுக்கடைக்குச்

செல்பவள்

ஏதோ ஒன்றை திருப்பத்தான்

சென்றிருப்பாள்

அப்போது அவள் தொலைத்த புன்னகையை

அக்கடைக்காரன்

கொசுறாக அவளிடம் கொடுத்துவிடுகிறான்.

மற்றோர் இரவு

மீண்டும் அங்கு வரும் வரையில்

அவள் அதை சுமந்துகொண்டு

அலைகிறாள்

எது எப்படியிருந்தும்

இரவு நேரங்களில்

அடகுக் கடை ஏகும்

பெண்களின் எண்ணிக்கை

குறையவே போவதில்லை

அவர்களின்

துயரைப் போலவே!

நன்றி : தெரிவை – கவிதைகள் – பத்மஜா நாராயணன் – மொத்தப் பக்கங்கள் : 64 – வெளியீடு : டிசம்பர் 2013 – விலை : ரூ.50 – வெளியீடு : டிஸ்கவரி புக் பேலஸ் (பி) லிட் – 6 முனுசாமி சாலை, மேற்கு கே கே நகர், சென்னை 600 078 – தொலைபேசி : 044 – 65157525

கனவுச் சிறைகள்

மு நடராசன்

இயற்கை அழகில்

அடிமைப்பட்டு

இலட்சிய வெறியில்

அலைந்து திரிந்து

கனவுச் சிறையினில்

கைதியானேன்.

நன்றி : நிலாமுற்றம் வெளியீடு – மு நடராசன் – கவிதைகள் – வெளியான ஆண்டு : 1981 – மொத்தப் பக்கங்கள் : 64 – விலை : ரூ.4 – இந்தப் புத்தகம் இப்போது விற்பனைக்கில்லை.

அம்மாவும் அப்பாவும்

 

ஹேச் ஜீ ரசூல் 

ஒன்றும் சொல்லவில்லை அப்பா

 

சாயங்காலம் முழுவதும்

நான்பாண்டி விளையாடியபோதும்

தம்பி கிட்டிப்புள் விளையாடிவிட்டு

பக்கத்து வீட்டுப்பையனை

அடித்துவிட்டு வந்தபோதும்

 

கிளாஸிலே முதல் மார்க்கெடுத்து

நான் பாஸôன போதும்

எட்டாம் கிளாஸில்

இரண்டாவது தடவை

தம்பி பெயிலான போதும்

 

இடையே ஒரு தடவை

வாய்திறந்தார் அப்பா.

 

இப்போதெல்லாம்

ஏழுமணிக்கே பொங்கி சமச்சு

சாதம் கெட்டி கொடுக்கணூம்

காலேஜ÷க்கு போகும் தம்பிக்கு

 

இப்போதைக்கு ஒன்றும் சொல்வதில்லை

அம்மா மட்டும்

அப்பா எதைச் சொன்னாலும்

தலையாட்டிக் கொண்டே.

 

நன்றி : பூட்டிய அறை – ஹெச் ஜி ரசூல் – மொத்தப் பக்கங்கள் : 88 – வெளியீடு : திணை வெளியீட்டகம், 30 பகவதி லாட்ஜ், நாகர்கோவில் – வெளியான ஆண்டு : மே 1998 – விலை : ரூ.30

பின் குறிப்பு : மனதுக்குப் பிடித்த கவிதைகள் என்ற தலைப்பில் நான் 100 கவிதைகளை கவிதை நூல்களிலிருந்து மட்டும் எடுத்துப் புத்தகமாகக் கொண்டு வர உள்ளேன்.  ஆனால் என்னிடம் கைவசம் 400க்கும் மேற்பட்ட புத்தகங்கள் உள்ளன.  இன்னும் சில கவிதைப் புத்தகங்கள் நான் வாங்கவும் வேண்டும்.  எப்படி இதில் 100 கவிதைகள் மட்டும் தேர்ந்தெடுக்கப் போகிறேன் என்பது தெரியவில்லை.  அதனால் முதல் நூறு, இரண்டாவது நூறு என்று கவிதைகளைத் தேர்ந்தெடுக்க உள்ளேன்.  ரசூல் அவர் கைப்பட கையெழுத்துப் போட்டு அனுப்பிய கவிதைத் தொகுதி இது. சில தினங்களுக்கு முன் தற்செயலாக இந்தப் புத்தகம் கண்ணில் தட்டுப்பட்டது.  எளிமையான வரிகளின் மூலம் பல உண்மைகளை சொல்லாமல் சொல்வதுதான் கவிதை.

அந்நியன்

 

சிற்பி

எப்போதும்

என் பின்னால்

யாரோ வருகிறார்கள்

அவன் முகத்தை

நான் அறியேன்

ஆயினும் அவன் இருக்கிறான்

கண்ணுக்குத் தெரி0யாத

மாயாவி அவன்

என் அசைவு ஒவ்வொன்றும்

அவனுக்குள் பதிவாகி விடுகிறது

உண்ண அமர்ந்தால்

உடன் அவனும்

அமர்வதுபோல் தெரிகிறது

தெருவில் நடந்தால்

உரசிக் கொண்டே

நடப்பதாய் உணர்கிறேன்

பத்திரிகை வாங்கினால்

எனக்கு முன்

அவன் அதைப் படித்து விடுவதாய்

பிரமை

யாரையேனும் சந்தித்தால்

அவர்கள் அடையாளங்களும்

குறிக்கப் படுவதாய்த் தெரிகிறது

மேடையில் போனிôல்

üஜாக்கிரதைý என

எச்சரிக்கப்படுவதாய்

உள்ளூணர்வு

படுக்கை அறையில்

மனைவியின் முகம் பார்க்க

எத்தனிக்கையில்

சுற்றியது இனம்புரியா

மூச்சுக் காற்றின்

வெப்பம்

எப்போதும் என் பின்னால்

யாரோ வருகிறார்கள்

நன்றி : கண்ணாடிச் சிறகுள்ள ஒரு பறவை – சிற்பி – கவிதா பப்ளிகேஷன், தபால் பெட்டி எண் : 6123,  8 மாசிலாமணி தெரு, பாண்டி பஜார், தி நகர், சென்னை 600 017 – தொலைபேசி எண் : 2436423 – வெளியான ஆண்டு : மே 2016 – விலை : ரூ.80

விருட்சம் ஆரம்பித்த 1988ஆம் ஆண்டிலிருந்து மொழிபெயர்ப்புக் கவிதைகளும் விருட்சத்தில் பிரசுரம் ஆகிக் கொண்டிருந்தன.  பலர் மொழிபெயர்ப்புக் கவிதைகளை விருட்சத்தில் எழுதி உள்ளார்கள்.  அவற்றை எல்லாம் தொகுக்கும் எண்ணம் உள்ளதால், ஒவ்வொன்றாய் முகநூலிலும், பிளாகிலும் வெளியிடுகிறேன்.

நார்மன் மேக்கே 

கவிஞன்

சம்பவங்கள்

அவனை

நெருக்கடியான நிலையில்

தள்ளித்

துன்புறுத்தின.

வறுமை, சமுகம், நோய் –

எல்லாப் பக்கங்களிலிருந்தும்

அவனைத் தாக்கின.

அவற்றால்

அவனை மௌமாக்க முடியவில்லை

கல்லெறியப்பட்ட காக்கை

முன்பு ஒரு போதும் நினைத்தேயிராத

வகையில் எல்லாம்

தப்பிப் பிழைக்க வழிகாண்பது போல

முன்னைவிட

மேலும் பல கவிதைகள்

அவன் எழுதினான்

எல்லாம் வெவ்வேறாக

இப்போது

சிரமமில்லாது

சமநிலையில் பறப்பதைத்

தொடருமுன்

மக்களின் தலைகளுக்கு மேலே

அவர்கள் வீசியெறியும் கற்கள்

தன் மீத படாத உயரத்தில்

சில சமயங்களில்

திடீரென

அவன்

தடுமாறுகிறான்

தடைப்பட்டு நிற்கிறான்

பக்கவாட்டில் சுலு;கிறான்

இதில் என்ன ஆச்சர்யம்!

மூலம் : ஆங்கிலம்

தமிழில் : கன்னி

நார்மன் மேக்கே ஒரு பிரபல ஸ்காட்லாந்து கவிஞர்.  தனது 75வது வயதில் 26.02.1986ல் காலமான இவர், 13 கவிதைத் தொகுதிகள் வெளியிட்டுள்ளார்.  இத் தொகுதியிலிருந்து பல கவிதைகளும் இதுவரை வெளியிடாதிருந்த நூறு கவிதைகளையும் கொண்ட ஒரு கவிதைத் தொகுதியை 1985ல் வெளியிட்டார்.  இதற்கு இங்கிலாந்து அரசின் தங்கப் பதக்கம் அளிக்கப்பட்டது.  ராபர்ட்கிரேவ்ஸ், டபிள்யூ எச் ஆடன், ஸீக்ஷபிரிட் ஸஸரன், ஸ்டிஃபன் ஸ்பென்டர் முதலியவர்கள் இப் பரிசை முன்பே பெற்றுள்ளனர்.  

                                                                    (நவீன விருட்சம் அக்டோபர் – டிசம்பர் 1988)