அவள் எழப் போவதில்லை
பேத்தியின் கல்யாணம் என்ன ஆச்சு என்று
கேட்கப்போவதில்லை-
டாக்டர் வந்து பல்ஸ் பிடித்து
உதட்டைப் பிதிக்கி
இல்லை என்று சொல்லியும் ஆச்சு-
அவன் பேசலேன்னா, நீ அவனை
கூப்பிடக்கூடாதா என்று சொல்ல இனி
மூச்சுமில்லை –
நாம் அனைவரும்-
அண்ணன்கள், தம்பிகள்,
தங்கைகள், அக்காக்கள்,
அப்பாவின் தம்பிகள்,
அப்பாவின் கிராமத்து அக்காவின் பெண்கள்
எல்லோரது பங்கும் அவளது
வடுக்களாய் விடாது மூச்சையும் மீறி
உடலில் ஊமைசொல்லென
சாம்பலாகக் காத்திருந்தன,
ஒன்று மட்டும் அறியாமல்-
எங்களது விருந்தோம்பல் என்பது
ஸ்ரார்த்தம் வழி
அதுவும் வாழைக்காய் அரிசி பருப்பு மட்டுமே
கா கா வழி
தினமும் ஜன்னல்வழி-
எங்களை மன்னித்து விடு
மற்றவர் வடுக்கள்
உன்னைப் போல
சுமக்க
எங்களுக்கு
இடமும் அவகாசமும் இல்லை
பேசுவதற்குக் கூட நாங்கள்
எஸ் எம் எஸ் மட்டுமே
அறிவோம்
..
குறுஞ்செய்திகள் வழியாய் ஒரு கொடும்பயணம்
பேசுவதற்குக் கூட நாங்கள்
எஸ் எம் எஸ் மட்டுமே
அறிவோம்
கடுமையான பேச்சு.