அழகியசிங்கர்
ஜ்யோத்ஸனாமிலன் கவிதைகள்
1) மழைக்குப் பின் ..
இந்த கணம்தான்
உருவானதுபோல் எல்லாம்
நான் பார்க்கப் பார்க்க
முளைத்தன மரங்கள்
படர்ந்து சென்றது வானம்
எதிலும், எங்கும்
காற்றில் பழுத்தன பறவைகள்
மனிதர்களும்
இப்போது தான் தோன்றியது போல்
எங்கெல்லாமோ … எப்படியெல்லாமோ
மண்ணில்தான் எத்தனை இதமும் பதமும்
விதைத்துவிடு
மனதில் தோன்றியதை
ஆகாயத்தைக் கூட
சிருஷ்டித்துக் கொள்
விரும்பியவற்றை
மரம், பறவை, வீடு
ஏன் மனிதனையும் கூடத்தான்
ஹிந்தி மூலம் : ஜ்யோத்ஸ்னாமிலன்
தமிழில் : திலீப்குமார்
(நவீன விருட்சம் இதழ் :7 ஜனவரி – மார்ச்சு 1990)