Category: கட்டுரை

அழகியசிங்கர்

எப்போதும் நான் பழைய புத்தகங்களையே வாங்குவேன். என் பார்வை பழைய புத்தகக் கடைக்கே செல்லும். 1978ஆம் ஆண்டில் ஹைகோர்டிற்கு எதிரில் ஒருவர் பை நிறையப் புத்தகங்கள் எடுத்துக்கொண்டு நின்று கொண்டிருப்பார். அவரிடம் ஆங்கிலப் புத்தகங்களை வாங்குவேன். அப்படி நான் வாங்கியப் புத்தகங்கள் அல்பெர் கம்யூவின் தி எக்ûஸல் அன்ட் தி கிங்டம். அதேபோல் சாத்தர் புத்தகம் ஒன்று வாங்கினேன். இப்படித்தான் என் புத்தகம் வாங்கும் வரலாறு துவங்கியது. அப்போது வாங்கிய அந்தப் புத்தகங்களை இன்றும் வைத்துக்கொண்டிருக்கிறேன். அதில் உள்ள முதல் கதையான ஒழுக்கமற்றப் பெண் என்ற கதையை மொழிபெயர்த்துக் கொண்டிருக்கிறேன்.
பல பழையப் புத்தகக் கடைகளில் புத்தகங்கள் வாங்குவது ஒரு பக்கம் இருந்தாலும், புத்தகங்களைப் பார்த்துக்கொண்டிருப்பதிலும் என் பொழுது போகும். பெரும்பாலும் திருவல்லிக்கேணி பிளாட்பாரங்களில் என் கவனம் இருந்துகொண்டு இருக்கும். சமீபத்தில் ஏ கே செட்டியாரின் குமரி மலர் என்ற பத்திரிகையை அபூர்வமாகக் கண்டுபிடித்தேன் திருவல்லிக்கேணி பிளாட்பாரக் கடையில்.
அதேபோல் மயிலாப்பூரில் உள்ள ஆழ்வார் கடை. நீண்ட தாடியுடன் ஒரு வயதான மனிதர் நாற்காலியில் உட்கார்ந்திருப்பார். தாடியுடன் அவரைப் பார்க்கும்போது எனக்கு பெரியார் ஞாபகம் வரும். அங்கு புத்தக விலை நமக்கு ஏற்றதுபோல் இருக்காது. ஆனால் என் நண்பரையோ உறவினரையோ பார்ப்பதுபோல் ஆழ்வாரைப் பார்த்து விட்டு வருவேன். நானும் அவரும் ஒன்றும் பேசுவதில்லை. இது ஒரு நல்ல அனுபவமாக எனக்குத் தோன்றும்.
சில தினங்களுக்கு முன் அகிலா கண்ணதாசன் என்பவர் ஆங்கில ஹிந்துவிற்காகப் பேட்டி எடுத்தார் (போனில்). அதற்கு நான் அளித்தப் பதிலை ஹிந்து பத்திரிகையில் வெளியிட்டுள்ளார். அவரிடம் என் ஆசை ஒன்றையும் குறிப்பிட்டேன். இதுமாதிரி பிளாட்பாரத்தில் நான் அச்சிடும் புத்தகங்களையும் கொண்டு வந்து விற்க வேண்டும் என்று. ஆனால் புத்தகங்களை வாங்க என்னை மாதிரி அழகியசிங்கர் ஒருவர் வரவேண்டும்.

அழகியசிங்கர்

இந்த முறை புத்தகக் கண்காட்சியை முன்னிட்டு என்னுடைய புத்தகங்களே நான்கு கொண்டு வருகிறேன். போன ஆண்டு மொத்த சிறுகதைகளையும் சேகரித்துக் கொண்டு வந்ததுபோல் இந்த ஆண்டு என் மொத்த கவிதைகளையும் சேகரித்துள்ளேன். 300க்கு மேற்பட்ட கவிதைகள். 500 பக்கங்கள் . முதன் முறையாக நான் எழுதிய தன்புனைவு நாவல் (200 பக்கங்கள்) ஞாயிற்றுக்கிழமை தோறும் தோன்றும் மனிதன் ஏற்கனவே வந்து விட்டது. இதற்கு அடுத்தாற்போல் எதையாவது சொல்லட்டுமா என்ற கட்டுரைத் தொகுப்பு ஒன்று வருகிறது. அமிருதா என்ற பத்திரிகையில் ஐந்தாண்டுகளுக்கு முன் நான் எழுதிய கட்டுரைத் தொகுப்பு இது. அதேபோல் இன்னொரு கட்டுரைத் தொகுப்பு விசிறி சாமியாரும் பிரமிளும்.
விசிறி சாமியாரிடம் என்னை அழைத்துக்கொண்டு அறிமுகப் படுத்தியவர் பிரமிள். ஆனால் ஒருமுறைதான் நெருக்கமாக நான் விசிறி சாமியாரைப் பார்த்தேன். அந்த அனுபவத்தை நான் எழுதினாலும் பிரமிள் பற்றித்தான் அதிகமாக எழுதி உள்ளேன். இந்த நான்கும்தான் என்னுடைய புத்தகங்கள். இந்தப் புத்தகங்களுடன் ஏற்கனவே 3 கவிதைத் தொகுதிகளைக் கொண்டு வந்து விட்டேன்.
ஒரு புத்தகம் வேணு வேட்டராயன் என்பவரின் üஅலகில் அலகுý என்ற புத்தகம். üஅப்பாவின் நாற்காலிý என்ற வளவ.துரையன் கவிதைத் தொகுதி. பின் இன்னொரு முக்கியமான கவிதைத் தொகுதி üமனதுக்குப் பிடித்த கவிதைகள் தொகுதி 1 என்ற 100 கவிஞர்களின் 100 கவிதைகள் புத்தகம். தெலுங்கு சிறுகதைகள் தொகுதி 1, 2. சில க நா சு புத்தகங்கள் என்று மும்முரமாகப் புத்தகம் தயாரித்துக்கொண்டிருக்கிறேன். இதுமாதிரி புத்தகங்கள் தயாரிக்கும் தறுவாயில்தான் விருட்சம் 107வது இதழ் கொண்டு வந்துவிட்டேன்.
வழக்கம்போல் 80 பக்கங்கள். விருட்சம் இதழை ஒருவர் படிக்கவேண்டுமென்று நினைத்தால் அரை மணி நேரத்தில் படித்து முடித்துவிடலாம். ஆனால் படித்து முடித்தபின் இந்தப் பத்திரிகையைத் தூக்கி எறியவேண்டுமென்ற நினைப்பு யாருக்கும் வராது. அவ்வளவு சுலபமான பத்திரிகை நவீன விருட்சம்.
இந்த இதழில் நான் புதிய முயற்சியைக் கொண்டு வந்திருக்கிறேன். வரும் இதழ்களில் இந்த முயற்சி தொடர்ந்து செயல்படுத்தப்படும் என்பதையும் சொல்லிக்கொள்ள விரும்புகிறேன்.
வழக்கம்போல் எழுதியவர்களின் லிஸ்ட் தர விரும்புகிறேன்.

1. புதுக்கவிதையின் எல்லைகள் – க.நா.சு
2. ஒரு கிழவன் – சிறுகதை – நகுலன்
3. நினைவாக – கட்டுரை – தேவகோட்டை வ மூர்த்தி
4. இருத்தல் – கவிதை – பானுமதி ந 5. ஜான்சி கவிதை
6. தொடர்ந்து தோற்கும் புவிக்கடவுள் -பிரேமா பிரபா
7. தமிழ் வளர்த்த சான்றோர் – ஓர் அறிவிப்பு
8. சின்ன தாத்தா – சிறுகதை – தி.பாலாஜி
9. கடிதம்
10. எது நிஜம் – கவிதை – மஹேந்திரவாடி உமா சங்கரன்
11. மரகதம் – சிறுகதை – ஸிந்துஜா
12. புத்தக விமர்சனம்
13. ஒப்பனை நகரம் – கவிதை – பிரபு மயிலாடுதுறை
14. அதிகாரத்தின் எல்லை – கவிதை – இதய சகி
15. புத்தக விமர்சனம்
16. புத்தக விமர்சனம்
17. அம்மாவின் முடிவு – சிறுகதை – என் செல்வராஜ்
18. வெறும் பேச்சு – கவிதை – அழகியசிங்கர்
19. உரையாடல்

அழகியசிங்கர்

ஓட்டல் சங்கீதாவில் பா ராகவனையும், ராஜாமணியையும் சந்தித்தேன். இன்று பாரதி பிறந்த நாளை முன்னிட்டு üமனதுக்குப் பிடித்த கவிதைகள்ý புத்தகப் பிரதிகளைக் கொடுத்தேன். நூதன முறையில் நான் பாரதி விழாவைக் கொண்டாடுகிறேன். இதோ அவர்களுடன் நான் எடுத்துக்கொண்ட புகைப்படங்கள்.

அழகியசிங்கர்

இன்று பாரதியாரின் பிறந்த தினம். நான் தயாரித்த üமனதுக்குப் பிடித்த கவிதைகள்ý புத்தகத்தின் 4 பிரதிகளை நான்கு கவிதை எழுதுபவர்களுக்கு பாரதி மீது பற்று உள்ளவர்களுக்கு அவர்கள் வீடுகளைத் தேடிக் கண்டுபிடித்து புத்தகப் பிரதியைக் கொடுத்து ஒரு புகைப்படம் எடுத்துக் கொள்ளலாம் என்று நினைக்கிறேன். பின் அதை முகநூலிலும் வெளிப்படுத்தலாமென்று நினைக்கிறேன். நான் வசிக்கும் மேற்கு மாம்பலத்தில் அவர்களும் வசிக்க வேண்டும். முடியுமா?
இத் தொகுதியில் வெளியான கவிஞர்களுக்கு இப் புத்தகத்தை இப்போது தரப் போவதில்லை. சில மாற்றங்களை ஏற்படுத்திவிட்டு அனுப்ப உள்ளேன்.
இத் தொகுதியில் நான் தேர்ந்தெடுத்த பாரதியாரின் பாடலை இங்கே பதிவு செய்கிறேன்.

கண்ணன் – என் காதலன்

சி சுப்பிரமணிய பாரதி

ஆசை முகமறந்து போச்சே – இதை
ஆரிடம் சொல்வேனடி தோழி?
நேச மறக்கவில்லை நெஞ்சம் – எனில்
நினைவு முகமறக்க லாமோ?

கண்ணில் தெரியுதொரு தேற்றம் – அதில்
கண்ண னழகுமுழு தில்லை
நண்ணு முகவடிவு காணில் – அந்த
நல்ல மலர்ச்சிரிப்பைக் காணோம்.

ஓய்வு மொழிதலுமில் லாமல் – அவன்
உறவை நினைத்திருக்க முள்ளம்
வாயு முரைப்பதுண்டு கண்டாய் – அந்த
மாயன் புகழினையெப் போதும்

கண்கள் புரிந்துவிட்ட பாலம் – உயிர்க்
கண்ண னுருமறக்க லாச்சு.
பெண்க ளினத்தி லிதுபோலே – ஒரு
பேதையை முன்புகண்ட துண்டோ?

தேனை மறந்திருக்க வண்டும் – ஒளிச்
சிறப்பை மறந்துவிட்ட பூவும்
வானை மறந்திருக்கும் பயிரும் – இந்த
வைய முழுதுமில்லை தோழி.

கண்ணன் முகமறந்து போனால் – இந்தக்
கண்க ளிருந்துபய னுண்டோ?
வண்ணப் படமுமில்லை கண்டாய் – இனி
வாழும் வழியென்னடி தோழி?

அழகியசிங்கர்

எனக்கு இரு நண்பர்கள் இருக்கிறார்கள். ஒருவர் சினிமாவில். இன்னொருவர் நாடகத்தில். ஒரு காலத்தில் நாங்கள் மூவரும் வேற வேற வங்கிகளில் பணிபுரிந்தவர்கள். சினிமாவில் ஆர்வமாய் ஈடுபட்டவர், உலகச் சினிமாவே எடுத்துப் புகழ் பெற்றுவிட்டார். இன்னும் தொடர்ந்து சினிமாவைப் பற்றிய சிந்தனைகளுடன் வாழ்ந்து வருபவர்.
இன்னொரு நண்பர் நாடகத்தில் தன் திறமையை வெளிப்படுத்தி உள்ளார். நாடகத்திற்காக ஒரு பத்திரிகையை துணிச்சலாக நடத்தியவர். அந்தப் பத்திரிகையின் மூலம் பல நாடகங்கள் தமிழுக்குத் தெரிய வந்துள்ளன. நாடகத்தில் பங்குகொண்டவர் தன் எண்ணத்தில் தீவிரமானவர்.
8ஆம் தேதி அவர் போன் செய்தார். இரண்டு நாடகங்களை அவர் வீட்டு மொட்டை மாடியில் அரங்கேற்றம் செய்யப் போவதாகக் குறிப்பிட்டார். 9ஆம் தேதி மாலை 7 மணிக்கு.
எப்படியும் அந்த இரு நாடகங்களைப் பார்த்தே தீருவது என்று தீர்மானித்திருந்தேன். கே கே நகரில் உள்ள அவர் வீட்டிற்குச் சென்றேன். மொட்டை மாடியில் ஒரு அகலமான இடத்தில்தான் நாடகங்கள் நடந்தன. எளிமையான முறையில் அரங்கேற்றம்.
சமீபத்தில் பல நிகழ்ச்சிகளில் நான் கலந்து கொள்கிறேன். ஆனால் திருப்தி ஏற்படுவதில்லை. இரண்டு நாடகங்களைப் பார்த்தவுடன் சொல்ல முடியாத அளவிற்குத் திருப்தி. நம் நேரம் வீணாகப் போகவில்லை என்று தோன்றியது.
ஒரு குறிப்பிட்ட காலவரைக்குள் இரு நாடகங்களும் நடந்து முடிந்து விட்டன. அந்த முறையும் எனக்குப் பிடித்திருந்தது.
ஒரு நாடகம் இத்தாலிய நாடகமான கொடுங்கோலர்கள்
என்ற நாடகம். இதை இத்தாலியில் எழுதியவர் மேரியோ பிராட்டி. தமிழில் புவியரசு செய்துள்ளார். வெளி பத்திரிகையில் பிரசுரமான நாடகம்.
இன்னொரு நாடகம் ஹங்கேரிய நாடகம். வாருங்கள் மயிரைச் சாப்பிடுவோம் என்ற தலைப்பு. இந்த இரண்டு நாடகங்களில் முதல் நாடகத்தை நான் ரொம்பவும் ரசித்தேன். எளிமையான முறையில் இந் நாடகங்கள் அரங்கேற்றம் ஆயின.
ஒவ்வொரு நடிகரும், நடிகையும் தடுமாற்றம் எதுவுமில்லாமல் சிறப்பாக நடித்தார்கள்.
மிகக் குறுகிய இடத்தில், அவ்வளவு சிறப்பாக நடத்திக் காட்டினார்கள். இரண்டாவது நாடகத்தில் கொஞ்சம் அரட்டையான வசனங்கள் உள்ளன என்றாலும் என்னால் எந்தக் குறையும் கண்டுபிடிக்க முடியவில்லை. ஆனால் கூத்துப்பட்டறையின் சார்பு அந்த நாடகத்தில் இருக்குமோ என்று தோன்றியது.
தன் முயற்சியில் சிறிதும் தளர்வடையாமல் தொடர்ந்து நாடக நிகழ்ச்சிகளை நடத்தி வரும் நண்பரை நான் அறிமுகப்படுத்தாமல் இருக்க முடியாது. அவர்தான் வெளி ரங்கராஜன்.
இந்த இரு நாடகங்களும், நாடகவெளியுடன், திணைநில வாசிகள் என்ற அமைப்புடன் சேர்ந்து நடத்தப்பட்டன.
இரண்டு நண்பர்கள் என்று குறிப்பிட்டேன். ஒரு நண்பர் வெளி ரங்கராஜன். சினிமாவில் தன் தீவிரத்தைச் செலுத்துபவரைப் பற்றி சொல்லாமல் இருக்க முடியாது. அவர்தான் அம்ஷன்குமார்.

அழகியசிங்கர்

மேலே குறிப்பிடப்பட்டுள்ள தலைப்பில் வ வே சுவும் தஞ்சாவூர் கவிராயரும் எழுத்தாளர் படைப்பாளி சுந்தர ராமசாமியைப் பற்றி உரை நிகழ்த்தினார்கள். தி நகரில் கிருஷ்ணகானசபா பின்னால் வீற்றிருக்கும் காமகோடி ஆடிட்டோரியத்தில் கூட்டம் நடைபெற்றது.
இப்படி ஒவ்வொரு மாதமும் கூட்டத்தை ஏற்பாடு செய்பவர்களில் முக்கியப் பங்கு வகுப்பவர் சுப்பு அவர்கள். தொடர்ந்து 50க்கும் மேற்பட்ட கூட்டங்களை வெற்றிகரமாக நடத்தி வருகிறார்கள்.
சுந்தர ராமசாமியின் புளியமரத்தின் கதை என்ற நாவல் அது வெளி வந்த ஆண்டில் சாகித்திய அக்காதெமி பரிசுபெற எல்லாத் தகுதியும் பெற்றிருந்தும், அதற்கு எந்தப் பரிசும் கிடைக்கவில்லை. அப்போது பரிசு கிடைப்பதற்கான பேச்சை அந்த நாவல் உருவாக்கியிருந்தது.
மௌனி என்ற எழுத்தாளர், சுந்தர ராமசாமியின் இந்தப் படைப்புக்குப் பரிசு கிடைக்கக் கூடாதென்று சாபம் இட்டதாகப் பேச்சாளர்களில் ஒருவர் குறிப்பிட்டார்.
உண்மையில் அதுதான் நடந்தது. கடைசிவரை சுந்தர ராமசாமிக்கு எந்தப் பரிசும் கிட்டவில்லை.
அவர் வாழ்ந்த 8 ஆண்டுகளில் சுந்தர ராமசாமி 40000 கடிதங்களுக்கு மேல் எல்லோருக்கும் கடிதங்கள் எழுதியிருப்பதாகவும் தகவலைப் பகிர்ந்துகொண்டார்கள். இக் கடிதங்களும் புத்தகமாக வரவில்லை.
இதுமாதிரியான கூட்டங்கள் தொடர்ந்து நடப்பதை நான் வரவேற்கிறேன். இன்றைய சூழ்நிலையில் தமிழ் எழுத்தாளர்கள் பெயரைக் கூட உச்சரிக்காமல் இருட்டடிப்பு செய்துவிடுவார்களோ என்று தோன்றுகிறது. இந்த நிலை முழுவதும் மாற வேண்டும்.
ஏனோ எல்லோரும் ரசித்த சுந்தர ராமசாமியின் üகொள்கைý என்ற கவிதையைக் குறிப்பிடவில்லை என்பது தெரியவில்லை.

மேற்கே
ரொமான்டிசிஸம்
நாச்சுரலிஸம்
ரியலிஸம்
அப்பால்
இம்பிரஷனிஸம்
என் மனைவிக்குத்
தக்காளி ரஸம்.

அப்பால்
ஸிம்பலிஸம்
கூபிஸம்
ஸர்ரியலிஸம்
மீண்டும்
வெறும்
ரியலிஸம்

அப்பால்
அதற்கும்
அப்பால்?
சொல்லும்
எட்மண்ட் வில்சன்
நீர் சொல்லும் கனிவாய்.
சொல்லும்
மிஸ்டர் பிரிச்செட்
நீர் சொல்லும்
தயைகூர்ந்து

ஸôத்ரேக்கு
எக்ஸிஸ் –
டென்ஷலிஸம்
காமுவுக்கு
இன்னொன்று
பின்னால்
வேறொன்று.
காமுவின் விதவைக்கு
மற்றொன்று.
பிறிதொன்று
அவள் அருமைப்
பாட்டிக்கு.

கரடிக்கு கம்யூனிஸம்
கதர்க் குல்லா சோஷலிஸம்
டாலர் ஹ÷மனிஸம்
பீக்கிங்கு
என்ன?
சொல்லும்
ஏ.ஐ.ஆரே
சொல்லும்
மிக விரைவாய்.

நாம எல்லாம்,
டமில் எழுத்தாளர்
நமக்கோ
பிளேஜியரிஸம்

அழகியசிங்கர்

என்னுடைய நாவலான üஞாயிற்றுக்கிழமை தோறும் தோன்றும் மனிதன்ý என்ற புத்தகத்திற்கு இரண்டு அட்டைப் படங்களைத் தயாரிக்கும்படி ஆகிவிட்டது. இதில் எந்தப் படத்தை எடுத்துக்கொள்வது என்ற குழப்பம் இருந்ததால் இரண்டு அட்டைப் படங்களிலும் பிரதிகள் அடித்து வைத்திருக்கிறேன்.

இந்த அடிப்படையான குழப்பத்திற்குக் காரணம் என்னவென்றால் எல்லாமே நானாக இருப்பதால்தான். நானே பதிப்பாளர், நானே எழுத்தாளர், நானே விற்பனையாளர் என்று எல்லாம் நானாக இருப்பதால் இந்தக் குழப்பம் ஏற்படுகிறது.

உங்கள் முன் இந்தப் படங்களை சமர்ப்பிக்கிறேன். நீங்கள் கூற முடியும் என்றால் கூறுங்கள். எந்த அட்டையை எடுத்துக் கொள்வது?

அ. மஞ்சள் நிற அட்டை
ஆ. நீல நிற அட்டை

நீங்கள் அ அல்லது ஆ என்று சொன்னால் போதும்.

அழகியசிங்கர்

எஸ்ராமகிருஷ்ணனின் சஞ்சாரம் என்ற நாவல்தான் சாகித்திய அக்காதெமி பரிசுப் பெற உதவியது. நீங்களும் படிக்கலாம் என்ற பெயரில் நான் ஒரு புத்தகம் கொண்டு வந்தேன். ஏப்ரல் 2016ல் கொண்டு வந்தப் புத்தகம் அது. 21 புத்தகங்கள் பற்றி 3000 பக்கங்கள் படித்துவிட்டு எழுதிய புத்தகம்.
நான் முதன் முதலாகச் ‘சஞ்சாரம்’ என்ற ராமகிருஷ்ணன் புத்தகத்துடன்தான் ‘நீங்களும் படிக்கலாம்’ என்ற புத்தகம் ஆரம்பித்தேன். 2015ல் இந்த நாவலைப் படித்துவிட்டு எழுதினேன்.
நாதஸ்வரம் என்ற இசைக் கருவியை முன்வைத்து நாதஸ்வர கலைஞர்களின் வாழ்க்கையைப் பற்றி விவரிக்கும் நாவல் என்று தோன்றியது. பல உபகதைகள் என்று படிக்கப் படிக்க ஒரு திரில்லர் நாவலைப் படிப்பதுபோல் போகும் இந்த நாவல். இப்போது நான் திரும்பவும் எடுத்து வாசிக்கத் தொடங்கியிருக்கிறேன். கதைசொல்லியான எஸ் ராமகிருஷ்ணனுக்கு என் வாழ்த்துக்களைத் தெரிவித்துக்கொள்கிறேன்.

அழகியசிங்கர்

சில வாரங்களுக்கு முன் பா ராகவன் அவர்களை சங்கீதா ஓட்டலில் சந்தித்தேன். மதிய நேரம். பொதுவாக ராகவனை சந்திக்கும்போது அது உற்சாகமான பொழுதாகப் போகும். அது மாதிரி இன்னும் சில நண்பர்களைச் சந்திப்பதும் அப்படித்தான் இருக்கும். ராகவன் யதி என்ற நாவலை முடித்துக்கொண்டிருப்பதாகச் சொன்னார்.
நான் அவரைப் பார்த்துக் கேட்டேன். “நாவல் எழுதுவது எப்படி?”
அவர் சொன்னார் : “கணினி முன்னால் உட்கார்ந்து அடித்தா நாவல் வந்துவிடும்.”
நான் யோசித்தேன். எப்படி அதுமாதிரி முடியும். ஒரு முறை அசோகமித்திரனைப் பார்த்துப் பேசிக்கொண்டிருந்தபோது அவரும் அப்படித்தான் சொன்னார். இதெல்லாம் நான் யோசித்துக்கொண்டிருந்தேன்.
என்னால் சிறுகதைகள் எழுத முடிகிறது, கவிதைகள் எழுத முடிகிறது. ஏன் கட்டுரைகள் கூட எழுத முடிகிறது. ஆனால் நாவல்?
நான் அசோகமித்திரன் நாவல்களை எடுத்துப் படித்துப் பார்த்தேன். என்னால் அதுமாதிரி ஒரு நாவல் கூட எழுத முடியாது. பா ராகவனின் பூனைக்கதையை எடுத்துப் படித்தேன். ஒரு பிட்டு கூட எழுத முடியாது. எனக்கு சில மாதங்களுக்கு முன் படித்த கறையான் என்ற நாவலைப் போல் எழுத வேண்டுமென்று ஆசை. ஆனால் அதுவும் சாத்தியமில்லை. அல்பெர் கம்யூ எழுதிய அந்நியன் நாவல் மாதிரி கறையான் நாவல் இருந்தது. முடியாது அதுவும் சாத்தியமில்லை. இந்தத் தருணத்தில் நகுலன் நாவல்களை எடுத்துக்கொண்டு படிக்க ஆரம்பித்தேன். அதுதான் சரியாக வரும்போல் தோன்றியது. நகுலன் நாவலின் முக்கியமான ப்ளஸ் பாயின்ட் என்னவென்றால் யாரும் விரும்பிப் படிக்க மாட்டார்கள். யாராவது அவருடைய முழு நாவலைப் படித்து எதாவது சொல்ல முடிந்திருக்கிறதா என்றால் அது பெரிய சவாலாகத்தான் இருக்க முடியும் என்று தோன்றிது. என்ன இருக்கிறது என்று கூட சொல்லி விடுவார்கள். காவ்யா என்ற பதிப்பகம் அவருடைய முழு நாவல்களை டிசம்பர் 2004ல் வெளியிட்டார்கள். இன்னும்கூட அந்தப் புத்தகம் விலைக்குக் கிடைக்குமென்று நினைக்கிறேன்.
ஒரு நாள் காலையில் நான் படுக்கையைவிட்டு எழுந்தவுடன் கணினியில் அம்ருதா பத்திரிகையில் எழுதிய தொடர் கட்டுரைகள் ஞாபகம் வந்தது. அந்தக் கட்டுரைகள் வெளிவந்து 8 ஆண்டுகளுக்குமேல் ஆகிவிட்டது. அதைத் தூசி தட்டுவோம் என்று ஆரம்பித்தேன். அப்போதுதான் நான் அதற்கு முன் எழுதியவற்றைப் படிக்க நேர்ந்தது. படித்தபோது இது ஒரு நாவலுக்கான சமாச்சாரம் என்று பட்டது.
அப்படித்தான் இந்தத் தன் புனைவு நாவலை உருவாக்கினேன். கிட்டத்தட்ட நகுலன்தான் நான் எழுதுவதற்குத் தூண்டுதலாக இருக்கிறார்.
நகுலன் நாவலான, ‘நிழல்கள்’ நாவலில் நகுலன், கேசவ மாதவன், சாரதி மூவரும் அடிக்கடி சந்தித்துப் பேசிக்கொண்டிருப்பார்கள். யாரை கேசவ மாதவன் என்று குறிப்பிடுகிறார்? யாரை சாரதி என்று குறிப்பிடுகிறார் என்ற குழப்பம் இருக்கும். இவர்கள் மூவரும் எழுதுவதைப் பற்றி பேசிக்கொண்டிருப்பார்கள். நாவலை அவர் எழுதிய ஆண்டு 1965.
என் நாவலில் எல்லோரையும் பட்டவர்த்தமாக எழுதி உள்ளேன். யாரையும் புண்படும்படி எழுதவில்லை. நகுலன் நாவல் மாதிரி என் நாவலிலும் நான் முக்கியமான கதா பாத்திரம். அதனால் இந்த நாவலை நகுலனுக்குச் சமர்ப்பணம் செய்துள்ளேன். என்னைச் சுற்றிலும் நடைபெறும் நிகழ்ச்சிகள்தான் நாவல். 2010 ஆம் ஆண்டிலிருந்து 2012ஆம் அண்டு வரை நடந்த நிகழ்ச்சிகள். 180 பக்கங்கள் கொண்ட ‘ஞாயிற்றுக்கிழமை தோறும் தோன்றும் மனிதன்’ என்ற என் நாவலின் விலை ரூ.150தான். முகநூல் நண்பர்களுக்காக ரூ.100க்குத் தர விரும்புகிறேன். தொலைப்பேசி மூலம் தொடர்பு கொள்ளவும். தொலைப்பேசி எண் 9444113205.