அழகியசிங்கர்

அந்த வயதான பெண்மணி
இறந்து போய்விடுவாள் என்று எல்லோரும் எதிர்பார்த்தார்கள்

நான் அப்படி இருக்க முடியாது என்று யோசித்தேன்

எல்லாவித சக்திகளையும் இழந்து
படுத்துக் கிடக்கிறாள்..
சிலநாட்கள் கண்களை பாதி மூடி
நினைவுத் தப்பிப் போய்..

உடலுக்குத் தேவையான சோடியம் குறைந்து விட்டதாம்..
பழையபடி ஆகலாம்….சொல்லமுடியாது என்கிறார்கள்
மருத்துவர்கள்…

தீவிர சிகிச்சைப் பிரிவில்
தொடர்ந்து படுத்துக் கிடக்கிறாள்
வயதான பெண்மணி…

மனம் கிடந்து அடித்துக்கொள்கிறது
அப்படி இருக்கக் கூடாது

திரும்பவும் அந்த வயதான பெண்மணி
எழுந்து வரவேண்டும்

03.09.2012