நகுலனும் நானும்

அழகியசிங்கர்

ஒருமுறை நகுலன் வீட்டிற்கு வந்திருந்தார்

வாருங்கள் என்று அப்பா கூப்பிட்டு

ஒரு தம்ளர் தண்ணீர் கொடுத்தார் குடிக்க

நானும் நகுலனும்

ஒருவரை ஒருவர் பார்த்துக்கொண்டோம்

என்னைப் பார்த்து கண் சிமிட்டினார் நகுலன்

‘அந்தத் தண்ணீ கிடைக்குமா?’ என்று

அப்பாவுக்குப் புரியவில்லை

பின் நடந்தோம்

தெருவில்

18கே பஸ் திருப்பத்திலுள்ள

ஒயின் ஷாப்பில்

குவார்டர் ரம் வாங்க

நாக்கைச் சப்புக் கொட்டிக்கொண்டு நின்றார்

ஏனோ பொருத்தமில்லாமல் பட்டது

ஒரு பிராமணக் கிழவன் என்று

முணுமுணுத்தான் ஒயின்ஷாப்காரன்.

12.04.2019-பீனிக்ஸ்

அமெரிக்கா